مجموعة من ابيات الزهيري العراقي

والله ياصاح حظه الجالسك ياعون
الناس بهواك سكره جي تظن ياعون
انته الذي دوم ردتك للشدايد عون
وخيول هجرك تردهن بالوصل لوجن
وهلال سعدي يهل ليلي علي لوجن
والناس لي عون تكصد بالذي لوجن
المن يوده كلي لو تسودن عون



لو ناشدوك الولف عن دارنا دلهم
من فاركوني ومشوا مُر الصبر دلهم
الدهر بأهل الغلا دار وجفا دلهم
وهدم منازل بَنوه بكَرَم وجُودي
أطوي الفيافي أدوَر بصُحبتي جودي
والله إن شَح ألرجاء وماهم بالوجودي
أبجي عليهم دمع مُزن الشتا لودلهم



لو جلجل احزاني تجيني وهم
وتذكر يام واسرح وي خيالي وهم
احباب الي ابعدوا اسئل عليهم وهم
متذكروا مرة اسئلوا عني
ومن طاح حملي محد اجه وعني
تتوسمين الجذب ياروحي بس عني
لو صار مثل الشمس كولي الشمس هم وهم


يا صاح هذا الوكت يا حيف خلاني
عايش بحزن والم لفراگ خلاني
والچنت اودهم يصاح اليوم خلوني
ورافگوا غيري ولا چن لي معاهم وصل
واسهامهم ما وگف لعرو گ گلبي وصل
ونيرانهم بالگلب لا سم عگارب وصل
واچووا دليلي في نار الهجر وصلاه
وحالي تغير عكس يومن گطع وصلاه
يحرم علية اعود الدارهم واصلاه
مازال گلبي حزين ودايم بيه سنة
وحبي عليه انفرض يا صاحبي مو سنة
گلبي هواهم گبل عام وثلاثة وسنة
شلون ابعجالة يصاح اتريد مني انسا
وآني عگبهم شبيه امفارجة ونسا
اجروح گلبي بدت في داخلي تنسا
وصعبة علية الليالي اتعود ماراح
وچي چواني بأگصى ضامري والراح
حگ اتعذب يگلبي وما تضوگ الراح
عفت اليودك مشيت بدرب خلاني


عدن اشواط العمر والحكم بيهن صفر
والباقي منه اخبرك بغياب ولفي صفر
ضليت محني الضهر والوجه مني صفر
كلبي انه مايحتمل وانت انشد العاشره
واغبر هذاك الصبر حد السنه العاشره
يمكن اتحمل شهر لمن يعبر عاشره
بس كلي لمن يعبر شيعدي شدة صفر


كالوا حبيبك زعل اتساهل وراسله...
كلت انهمركب هوه وطول العمر راسله...
كالوا زغير وحلو وخله على رسله...
كلت انه طولالعمر احفظ مقامه واجل..
واوكف كباله انه خجلان منه واجل..
بس من يزل صاحبيبالله عزوجل..
وكت المعاند انه بس لله يطخ راس اله